اشون خو بدیمه من شه علی ره
سیو دستمال دوس بی شه گلی ره
خدا ره خراب بکنه چپونی ره
علی دست بییتا شه عاشقی ره
عامی ته وره کا ره کی بروته یار
تی دست لله وا ره کی بروته یار
تی تن مست تی دل مست تی سر مستا
تی دوش لم چوقا ره کی بروته یار
۰۱
ارديبهشت
دلبر اونجه کجویه دری شونی یار
اون محله خرابویه دره شونی یار
می دل تسه کیویه دری شونی یار
اون محله خرابویه دره شونی یار
خدایا کو ره خامبه کو ره خامبه یار
همون کیجا کمون ابرو ره خامبه یار
ته ره دارم خدا ره رو نزمبه یار
ته می جانی ته ره درو نزمبه یار
همون شویی که ته خو ره بوینم یار
تا نماشون شی دیم ره او نزمبه یار
خدایا کو ره خامبه کو ره خامبه یار
اون کیجا کمون ابرو ره خامبه یار
۲۵
فروردين
مردم قاضی بووشین
میون من و مه یار
شه دور دور ره هاکرده
گنه بیم ته کنار
شاید تو اشتباه بی
مه کله نکرده
من اتا اشتباه ره
دوبار نکمبه تکرار
اخ بمیره اون کسی که
جادو کتاب هاکرده
مریض بییمه دکتر
مه ره جواب هاکرده
مه بمرده یار مه ره
برار خطاب هاکرده
۲۵
اسفند
امیر گته جان مه کار چی زار بئیه
مه پوسّ‌کلا شال نهار بئیه
کال‌چرم پوش زین سوار بئیه
بشقاب پلاخوار اطاق‌دار بئیه
۲۰
اسفند
عصا ره دست هایرم بورم غریبون، مار بمیره وا مار بمیره
اتا ناله بزنم کوچه خیابون، مار بمیره وا مار بمیره
بوم داغ دل غمدیده مارون، مار بمیره وا مار بمیره
اجل بیته بورده امه جوون، مار بمیره وا مار بمیره
بزن ساز که دل غم داره امشو، مار بمیره وا مار بمیره
می تن خسته و مه چش نشونه خو، مار بمیره وا مار بمیره
کجه بوردی سره سرین هاکردی، مار بمیره وا مار بمیره
بیچاره مار عزا بییته بی تو، مار بمیره وا مار بمیره
خزون هاکردی امسال سال ماه ره، مار بمیره وا مار بمیره
غصه بکوشته ته بیچاره مار ره، مار بمیره وا مار بمیره
داغ بزویی خواخر پیر و ببا ره، مار بمیره وا مار بمیره
برار دونه فقط داغ برار ره، مار بمیره وا مار بمیره
دیگر امسال بهار من کو نشومه، مار بمیره وا مار بمیره
ونوشه چیمه ولی بو نکمبه، مار بمیره وا مار بمیره
شمه خنه سورداره سو بواشه، مار بمیره وا مار بمیره
من تاریکی لمپا ره سو نکمه، مار بمیره وا مار بمیره
۰۸
اسفند
دلبر ته وسه من چه کار هاکنم
بورم تی پر پیش قرار هاکنم
چند سال مزد ره من انکار هاکنم
تی بال دماسم فرار هاکنم
۰۸
اسفند
پروانه بورده کوه مره نورده یار پروانه
شه خورده خرزا ره شه همراه بورده پروانه
منو مه دلبرا یکبار بمیریم یار پروانه
یه تا قبر دله قرار بییریم یار پروانه
سوال ککی انه وه کنه سوال پروانه
یتا ره من بووم یتا ره مه یار پروانه
پروانه بورده کوه مره نورده یار پروانه
شه قوت و غذا ره شه همراه بورده پروانه
۰۸
اسفند
هوار هوار هاکنم
ته ره شه یار هاکنم
سیمین ته بال دماسم امشو فرار هاکنم
۲۳
دی
مه دل ره غم بیته غم تمومی بانو غریبم من
بنویسم ره نامه ره با مهربونی یار بانو غریبم من
خدا ته ره هدا حسن جوانی یار بانو غریبم من
مه ره بی ته نوونه زندگانی جان بانو غریبم من ته درد اسیر من
ته اونجه اسایی من ته برابر یار بانو غریب من
ته چشمون زاق دارنی دل کافر یار بانو غریبم من
خدا دونده چنده دارمه ته خاطر یار بانو غریبم من
دست نامسلمون مه ره در بور یار بانو غریبم من
۲۳
دی