شومبه مله دل قرار دنیه
خله وقته مه جان مار دنیه
مله ره اشمبه کمبه غریبی
مه سر پیش لوش و کنار دنیه
مه دل بی قراری کنه
ته سه انتظاری کنه
مه دل بی قرار بییه
مه چس انتظاری دییه
دتر سبزی پاک کری نکن مه ره بد انه
ته دست بونه سیا مه دل درد انه
اگر دونم پول خرجی کم انه
کارگری کمبا عوهده ش برامبه
۰۷
آذر
قمرجان و قمرجان و قمرجان
شلوار لی داینی نازک کمر جان
الان رسم دکته بی خومبه نایلون
کیجائون پوشنبه شونه تا حموم
مهریه کیجائون بئیه گرون
چتی ونه بوه کار عزبون
قمرجان و قمرجان و قمرجان
شلوار لی داینی نازک کمر جان
۲۱
مهر
ته غم لله پشتی خار نوونه
ته زار زمستون بهار نوونه
کمین تا بال جا پر هایتی بوردی
ته خنده چه دیگر دیار نوونه
آی برو آی نشو درد دره مه دل
ته وسه خوندمبا تنگ هستا مه دل
۲۷
مرداد
ته وسه دوشا گوه ره روشمبه
هنو خوشه نزو جو ره روشمبه
ته که دونی بی ته نخوامبه دنیا
ته وسه دوش برنو ره روشمبه
ته خاطر شه النگو ره روشمبه
خنه فرش و زیلو ره روشمبه
اگر دونم ته زاری توم گردنه
زمین گندم و جو ره روشمبه
ته خاطر گوش گوشوار ره روشمبه
پیر مار یادگار ره روشمبه
ته وسه جان دمه اگه بخواهی
شه دست لله و تار ره روشمبه
۲۵
مرداد
انگور مل بیمه شم بکشیمه شم
خورد وچه بیمه ته جا بیمه چم
هرکه امه میون بزوهه بر هم
به حق اون خدا ونه عمر بوه کم
۰۳
بهمن
اگر صد تا جمه طلا دپوشم
میون دشمننون اقا بووشم
هزارون دست مره شه وسه دارم
مه دل خوانه که تی ور دووشم
خسته دوش بالا جان پیر
مه دل قرار جان پیر
۰۱
بهمن
جان ننا چه مره شو بزایی
تیرمای شو گهره سر بچایی ته بلاره
شب اول چه مره زر ندایی
مره مردم دردسر هدایی ته بلاره
۰۱
بهمن
برو مه جان دلبر
هنیشیم چشمه ور
اتا خوهاکنم من ته بال سر جان دلبر
بخوندم من ته وسه
بموندی ته مه وسه
می آهنگ و شعر و ترانه تسه جان دلبر
دلخواه بشنو مه ونگه
مه دل ته وسه تنگه
عشق ته بساتمه این اهنگه جان دلبر
دلخواه سر کودرمه
بی خورد و خو درمه
بیم مازندرون ته ره ورمبه حان دلبر
دلخواه خنده هاکردی
چش ره سرمه هاکردی
من بخوندمسه برمه هاکردی جان دلبر
خوانده شده توسط مهدی کارگر
۱۱
دی
اشون خو بدیمه من شه علی ره
سیو دستمال دوس بی شه گلی ره
خدا ره خراب بکنه چپونی ره
علی دست بییتا شه عاشقی ره
۰۲
ارديبهشت