انگور مل بیمه شم بکشیمه شم
خورد وچه بیمه ته جا بیمه چم
هرکه امه میون بزوهه بر هم
به حق اون خدا ونه عمر بوه کم
انگور مل بیمه شم بکشیمه شم
خورد وچه بیمه ته جا بیمه چم
هرکه امه میون بزوهه بر هم
به حق اون خدا ونه عمر بوه کم
اگر صد تا جمه طلا دپوشم
میون دشمننون اقا بووشم
هزارون دست مره شه وسه دارم
مه دل خوانه که تی ور دووشم
خسته دوش بالا جان پیر
مه دل قرار جان پیر
جان ننا چه مره شو بزایی
تیرمای شو گهره سر بچایی ته بلاره
شب اول چه مره زر ندایی
مره مردم دردسر هدایی ته بلاره
برو مه جان دلبر
هنیشیم چشمه ور
اتا خوهاکنم من ته بال سر جان دلبر
بخوندم من ته وسه
بموندی ته مه وسه
می آهنگ و شعر و ترانه تسه جان دلبر
دلخواه بشنو مه ونگه
مه دل ته وسه تنگه
عشق ته بساتمه این اهنگه جان دلبر
دلخواه سر کودرمه
بی خورد و خو درمه
بیم مازندرون ته ره ورمبه حان دلبر
دلخواه خنده هاکردی
چش ره سرمه هاکردی
من بخوندمسه برمه هاکردی جان دلبر
خوانده شده توسط مهدی کارگر
اشون خو بدیمه من شه علی ره
سیو دستمال دوس بی شه گلی ره
خدا ره خراب بکنه چپونی ره
علی دست بییتا شه عاشقی ره
عامی ته وره کا ره کی بروته یار
تی دست لله وا ره کی بروته یار
تی تن مست تی دل مست تی سر مستا
تی دوش لم چوقا ره کی بروته یار
دلبر اونجه کجویه دری شونی یار
اون محله خرابویه دره شونی یار
می دل تسه کیویه دری شونی یار
اون محله خرابویه دره شونی یار
خدایا کو ره خامبه کو ره خامبه یار
همون کیجا کمون ابرو ره خامبه یار
ته ره دارم خدا ره رو نزمبه یار
ته می جانی ته ره درو نزمبه یار
همون شویی که ته خو ره بوینم یار
تا نماشون شی دیم ره او نزمبه یار
خدایا کو ره خامبه کو ره خامبه یار
اون کیجا کمون ابرو ره خامبه یار
مردم قاضی بووشین
میون من و مه یار
شه دور دور ره هاکرده
گنه بیم ته کنار
شاید تو اشتباه بی
مه کله نکرده
من اتا اشتباه ره
دوبار نکمبه تکرار
اخ بمیره اون کسی که
جادو کتاب هاکرده
مریض بییمه دکتر
مه ره جواب هاکرده
مه بمرده یار مه ره
برار خطاب هاکرده
امیر گته جان مه کار چی زار بئیه
مه پوسّکلا شال نهار بئیه
کالچرم پوش زین سوار بئیه
بشقاب پلاخوار اطاقدار بئیه
عصا ره دست هایرم بورم غریبون، مار بمیره وا مار بمیره
اتا ناله بزنم کوچه خیابون، مار بمیره وا مار بمیره
بوم داغ دل غمدیده مارون، مار بمیره وا مار بمیره
اجل بیته بورده امه جوون، مار بمیره وا مار بمیره
بزن ساز که دل غم داره امشو، مار بمیره وا مار بمیره
می تن خسته و مه چش نشونه خو، مار بمیره وا مار بمیره
کجه بوردی سره سرین هاکردی، مار بمیره وا مار بمیره
بیچاره مار عزا بییته بی تو، مار بمیره وا مار بمیره
خزون هاکردی امسال سال ماه ره، مار بمیره وا مار بمیره
غصه بکوشته ته بیچاره مار ره، مار بمیره وا مار بمیره
داغ بزویی خواخر پیر و ببا ره، مار بمیره وا مار بمیره
برار دونه فقط داغ برار ره، مار بمیره وا مار بمیره
دیگر امسال بهار من کو نشومه، مار بمیره وا مار بمیره
ونوشه چیمه ولی بو نکمبه، مار بمیره وا مار بمیره
شمه خنه سورداره سو بواشه، مار بمیره وا مار بمیره
من تاریکی لمپا ره سو نکمه، مار بمیره وا مار بمیره