ته غم لله پشتی خار نوونه
ته زار زمستون بهار نوونه
کمین تا بال جا پر هایتی بوردی
ته خنده چه دیگر دیار نوونه
آی برو آی نشو درد دره مه دل
ته وسه خوندمبا تنگ هستا مه دل
ته وسه دوشا گوه ره روشمبه
هنو خوشه نزو جو ره روشمبه
ته که دونی بی ته نخوامبه دنیا
ته وسه دوش برنو ره روشمبه
ته خاطر شه النگو ره روشمبه
خنه فرش و زیلو ره روشمبه
اگر دونم ته زاری توم گردنه
زمین گندم و جو ره روشمبه
ته خاطر گوش گوشوار ره روشمبه
پیر مار یادگار ره روشمبه
ته وسه جان دمه اگه بخواهی
شه دست لله و تار ره روشمبه
۲۵
مرداد