پروانه بورده کوه مره نورده یار پروانه
شه خورده خرزا ره شه همراه بورده پروانه
منو مه دلبرا یکبار بمیریم یار پروانه
یه تا قبر دله قرار بییریم یار پروانه
سوال ککی انه وه کنه سوال پروانه
یتا ره من بووم یتا ره مه یار پروانه
پروانه بورده کوه مره نورده یار پروانه
شه قوت و غذا ره شه همراه بورده پروانه
هوار هوار هاکنم
ته ره شه یار هاکنم
سیمین ته بال دماسم امشو فرار هاکنم
بالا بالا شونی، یار ته ره چیه، ته عاشق منمه ته دل با کیه
اگر دونم ته دل با دیگریه، خدا دونده دست گیرمه عاشقی ره
شورماهی شورماهی، شورماهی شوره یار، حیف ته جوانی تنه بخت کوره
عاشقی هاکردمه چند سال دزدی یار، بعد چند سال بته مه خاخر هستی یار
ندومبه کافری یا بت پرستی یار، کدوم عزیز بمرده دل دوستی
شورماهی شورماهی شورماهی شوره، حیف ته جوانی تنه بخت کوره
ستاره ستاره مشت اسمون، های مه مریم جان جان مه مریم
ونه میون دره مه ماه تابون، های مه مریم جان جان مه مریم
ماه مازرونه یار خوش زبون، های مه مریم جان جان مه مریم
ونه دور گردنه ملک مازرون، های مه مریم جان جان مه مریم
ماه در بمویه ای مه مریم جانا جان مه مریم
ته بوردی چه بلا مه سر بمویه ای مه مریم جانا جان مه مریم
ته سیو گیسه مه دل ارمونه، های مه مریم جان جان مه مری
مه کهو دل ونه دل مهمونه، های مه مریم جان جان مه مری
شه سیو گیسه ره ته نزن شونه، های مه مریم جان جان مه مری
جر کفنه مه دل لینگلو بونه ، های مه مریم جان جان مه مری
ماه در بمویه ای مه مریم جانا جان مه مریم
ته بوردی چه بلا مه سر بمویه ای مه مریم جانا جان مه مریم
طایره سنگسری ته قربون
اونتا در کنه شه دروازه داینه، طایره سنگسری ته قربون
اون کیجا کنه شه سر قبضه داینه، طایره سنگسری ته قربون
سر بشسه و بو تازه دارنه، طایره سنگسری ته قربون
ونه ور بختن چه مزه داینه، طایره سنگسری ته قربون
طایره سنگسری ته قربون
یاد انه ته ره اون زمون؟
مه دل ره هاکردی ته خون
کیجا ره بدیمه در شیه سرکوه، طایره سنگسری ته قربون
وه عقب نیشت بیا ونه مار جلو، طایره سنگسری ته قربون
شی دست ره دست چو ره هدامه تو، طایره سنگسری ته قربون
کیجا مره بدیه برمه بمو، طایره سنگسری ته قربون
طایره سنگسری ته قربون
یاد انه ته ره اون زمون؟
مه دل ره هاکردی ته خون
اشون باخت بیمه من روی بالشت راحله
بدیمه درنه کیجا سیو چش راحله
اینور اونور کردا مره هدا خش راحله
مار بیدار بییه هاکرده کلش راحله
راحله جان راحله شیرین زبونی راحله
امرو عاشق بونی فردا پشیمون راحله
مگه من اطلس خارا نبودم راحله
مگه من دختر بابا نبودم راحله
منو دادن به دست پیرمردی راحله
مگه من لایق ریکا نبودم راحله
راحله جان راحله شیرین زبونی راحله
امرو عاشق بونی فردا پشیمون راحله
ته گوم بیه بهار سرخ گل بی
ته نیته ارزوی درد دل بی
ته درد عشق و درد جدایی
ته جا بده برمه بی چمر بی
سون ابر بهاری بومبه امشو
ته وسه برمه واری بومبه امشو
ته دل پر اور من شباب واری
نواجش دمبه عمر قراری
نا ترک عشق و نه ترک ته کمبه
نا ترک زلف و ابروی ته کمبه
تموم این جهون و اون جهون ره
فدای اتا خال موی ته کمبه
امه محله دره سیا چشمون کیجا، کلثوم علی آبادی
همه شی کندننه غریبه جا، کلثوم علی آبادی
الهی ته مار ره یار بکوشه خدا، کلثوم علی آبادی
ته ره نیره مه جه بالای خدا، کلثوم علی آبادی
کلثوم علی آبادی
کلثوم علی آبادی
یتا رو من گمه یتا رو لله، خورده کیجا چتری
مه مار مره هدا غریبه محله، خورده کیجا چتری
غریبه محله ره وطن ندومبه، خورده کیجا چتری
غریبه کیجا ره مرهم ندومبه، خورده کیجا چتری
خورده کیجا چتری
یار سیو چشم مرمری
برو هنیش مه پلی
خورده کیجا چتری
بیمه خاموش مره بیاردی سروش، خورده کیجا چتری
به مثل اب گرم بیمه جوش ، خورده کیجا چتری
خدا تقصیر دارم وچه ره بنوش، خورده کیجا چتری
سال دوازده و باشه سیاه پوش، خورده کیجا چتری
خورده کیجا چتری
یار سیو چشم مرمری
برو هنیش مه پلی
خورده کیجا چتری
همسایه یار بیتی خدا ته همراه
امیر الممنین ته پشت و پناه
ته ره تقصیر نرمه ندارنی گناه
تقصیر ره دارنه ته بمرده ننا
آخ چه سخته چه سخته مه وسه بی ته دین
مست کیجا برو مه دل ره نشکن
کلاغ سرسیو خال خال گردن
یتا نامه دارمه بور مه وطن
اگه یار ره بدی مه خبر بیته
بو که زرد و زاره حالت مردن
آخ چه سخته چه سخته مه وسه بی ته دین
مست کیجا برو مه دل ره نشکن
بلندی بال خانه بلندی پرده کیجا ته لمپا ره نکوش
هنیشیم منو ته هر دِ و هر دِ کیجا ته لمپاره نکوش
اندِه هنیشیم تا افتاب دَگِرده کیجا ته لمپاره نکوش
تموم دشمنای دل بَترکه کیجا ته لمپاره نکوش
کیجا ته لمپاره نکوش جان خدا مره بکوش
آرزو دره مه دل چَتِری ره بیرم بغل
بلندی بال خانه چراغ روشنه کیجا ته لمپا ره نکوش
زاغِ مرزی کیجا کتابِ اشنه کیجا ته لمپا ره نکوش
هرچی صدا زمبه و مِره نشنه کیجا ته لمپا ره نکوش
ونه ناز و عشوه مره کاشنه کیجا ته لمپا ره نکوش
کیجا ته لمپاره نکوش جان خدا مره بکوش
آرزو دره مه دل چَتِری ره بیرم بغل
سر سوایی یار وا دکته وا کیجا ته لمپا ره نکوش
افتاب بورده هوا بهیه میا کیجا ته لمپا ره نکوش
دار سر کِلی بزوهه اویا کیجا ته لمپا ره نکوش
کجه دره منه یارِ چش سیاه کیجا ته لمپا ره نکوش
کیجا ته لمپاره نکوش جان خدا مره بکوش
آرزو دره مه دل چَتِری ره بیرم بغل
