دتر سبزی پاک کری نکن مه ره بد انه
ته دست بونه سیا مه دل درد انه
اگر دونم پول خرجی کم انه
کارگری کمبا عوهده ش برامبه
قمرجان و قمرجان و قمرجان
شلوار لی داینی نازک کمر جان
الان رسم دکته بی خومبه نایلون
کیجائون پوشنبه شونه تا حموم
مهریه کیجائون بئیه گرون
چتی ونه بوه کار عزبون
قمرجان و قمرجان و قمرجان
شلوار لی داینی نازک کمر جان
۲۱
مهر
ته وسه دوشا گوه ره روشمبه
هنو خوشه نزو جو ره روشمبه
ته که دونی بی ته نخوامبه دنیا
ته وسه دوش برنو ره روشمبه
ته خاطر شه النگو ره روشمبه
خنه فرش و زیلو ره روشمبه
اگر دونم ته زاری توم گردنه
زمین گندم و جو ره روشمبه
ته خاطر گوش گوشوار ره روشمبه
پیر مار یادگار ره روشمبه
ته وسه جان دمه اگه بخواهی
شه دست لله و تار ره روشمبه
۲۵
مرداد
انگور مل بیمه شم بکشیمه شم
خورد وچه بیمه ته جا بیمه چم
هرکه امه میون بزوهه بر هم
به حق اون خدا ونه عمر بوه کم
۰۳
بهمن
جان ننا چه مره شو بزایی
تیرمای شو گهره سر بچایی ته بلاره
شب اول چه مره زر ندایی
مره مردم دردسر هدایی ته بلاره
۰۱
بهمن
اشون خو بدیمه من شه علی ره
سیو دستمال دوس بی شه گلی ره
خدا ره خراب بکنه چپونی ره
علی دست بییتا شه عاشقی ره
۰۲
ارديبهشت
عامی ته وره کا ره کی بروته یار
تی دست لله وا ره کی بروته یار
تی تن مست تی دل مست تی سر مستا
تی دوش لم چوقا ره کی بروته یار
۰۱
ارديبهشت
دلبر اونجه کجویه دری شونی یار
اون محله خرابویه دره شونی یار
می دل تسه کیویه دری شونی یار
اون محله خرابویه دره شونی یار
خدایا کو ره خامبه کو ره خامبه یار
همون کیجا کمون ابرو ره خامبه یار
ته ره دارم خدا ره رو نزمبه یار
ته می جانی ته ره درو نزمبه یار
همون شویی که ته خو ره بوینم یار
تا نماشون شی دیم ره او نزمبه یار
خدایا کو ره خامبه کو ره خامبه یار
اون کیجا کمون ابرو ره خامبه یار
۲۵
فروردين
مردم قاضی بووشین
میون من و مه یار
شه دور دور ره هاکرده
گنه بیم ته کنار
شاید تو اشتباه بی
مه کله نکرده
من اتا اشتباه ره
دوبار نکمبه تکرار
اخ بمیره اون کسی که
جادو کتاب هاکرده
مریض بییمه دکتر
مه ره جواب هاکرده
مه بمرده یار مه ره
برار خطاب هاکرده
۲۵
اسفند
امیر گته جان مه کار چی زار بئیه
مه پوسّکلا شال نهار بئیه
کالچرم پوش زین سوار بئیه
بشقاب پلاخوار اطاقدار بئیه
۲۰
اسفند