کوز موس چه نوه تیمچار میون نکنده
شوفری کمبه من جاده هراز
دنده عوض کمبه صد پا به یه گاز، خدا دریا او دره، کیجا ته چش خو دره
شما بورین بوین کیجای با ناز
رخت خواب مه ره بهله با ناز، خدا دریا او دره، کیجا ته چش خو دره
الهی بمیرم من واسه تو
الهی بمیره همساده تو
نذاشت بمانم زیر سایه تو، خدا دریا او دره، سیو چش ره خو دره
۲۳
دی
بالا بالا شونی، یار ته ره چیه، ته عاشق منمه ته دل با کیه
اگر دونم ته دل با دیگریه، خدا دونده دست گیرمه عاشقی ره
شورماهی شورماهی، شورماهی شوره یار، حیف ته جوانی تنه بخت کوره
عاشقی هاکردمه چند سال دزدی یار، بعد چند سال بته مه خاخر هستی یار
ندومبه کافری یا بت پرستی یار، کدوم عزیز بمرده دل دوستی
شورماهی شورماهی شورماهی شوره، حیف ته جوانی تنه بخت کوره
۰۲
دی
ستاره ستاره مشت اسمون، های مه مریم جان جان مه مریم
ونه میون دره مه ماه تابون، های مه مریم جان جان مه مریم
ماه مازرونه یار خوش زبون، های مه مریم جان جان مه مریم
ونه دور گردنه ملک مازرون، های مه مریم جان جان مه مریم
ماه در بمویه ای مه مریم جانا جان مه مریم
ته بوردی چه بلا مه سر بمویه ای مه مریم جانا جان مه مریم
ته سیو گیسه مه دل ارمونه، های مه مریم جان جان مه مری
مه کهو دل ونه دل مهمونه، های مه مریم جان جان مه مری
شه سیو گیسه ره ته نزن شونه، های مه مریم جان جان مه مری
جر کفنه مه دل لینگلو بونه ، های مه مریم جان جان مه مری
ماه در بمویه ای مه مریم جانا جان مه مریم
ته بوردی چه بلا مه سر بمویه ای مه مریم جانا جان مه مریم
۰۴
آذر
طایره سنگسری ته قربون
اونتا در کنه شه دروازه داینه، طایره سنگسری ته قربون
اون کیجا کنه شه سر قبضه داینه، طایره سنگسری ته قربون
سر بشسه و بو تازه دارنه، طایره سنگسری ته قربون
ونه ور بختن چه مزه داینه، طایره سنگسری ته قربون
طایره سنگسری ته قربون
یاد انه ته ره اون زمون؟
مه دل ره هاکردی ته خون
کیجا ره بدیمه در شیه سرکوه، طایره سنگسری ته قربون
وه عقب نیشت بیا ونه مار جلو، طایره سنگسری ته قربون
شی دست ره دست چو ره هدامه تو، طایره سنگسری ته قربون
کیجا مره بدیه برمه بمو، طایره سنگسری ته قربون
طایره سنگسری ته قربون
یاد انه ته ره اون زمون؟
مه دل ره هاکردی ته خون
۳۰
آبان
اشون باخت بیمه من روی بالشت راحله
بدیمه درنه کیجا سیو چش راحله
اینور اونور کردا مره هدا خش راحله
مار بیدار بییه هاکرده کلش راحله
راحله جان راحله شیرین زبونی راحله
امرو عاشق بونی فردا پشیمون راحله
مگه من اطلس خارا نبودم راحله
مگه من دختر بابا نبودم راحله
منو دادن به دست پیرمردی راحله
مگه من لایق ریکا نبودم راحله
راحله جان راحله شیرین زبونی راحله
امرو عاشق بونی فردا پشیمون راحله
۲۹
آبان
ته گوم بیه بهار سرخ گل بی
ته نیته ارزوی درد دل بی
ته درد عشق و درد جدایی
ته جا بده برمه بی چمر بی
سون ابر بهاری بومبه امشو
ته وسه برمه واری بومبه امشو
ته دل پر اور من شباب واری
نواجش دمبه عمر قراری
نا ترک عشق و نه ترک ته کمبه
نا ترک زلف و ابروی ته کمبه
تموم این جهون و اون جهون ره
فدای اتا خال موی ته کمبه
۲۵
مرداد
صنم، ته نرم نرم وارش بهار ماهی ( تو بارش نم نم بارون بهاری هستی)
بلند جنگل سرد میهایی، (مه سرد جنگل هستی)
ته چرده ورگ واش اونمایی ( تو برگهای سبز درخت واش در ماه اسفندماه هستی )
بلند واش صحرای سمایی ( رقص برگان روی شاخه های بلند درخت واش هستی)
۲۴
تیر
مسلمانان غم من رو ببینین
صدرالله خان آمد خواستگاری من
مسکین(عباس) در خانه اش تار دارد
صدر الله خان اما بسیار ثروتمند است
روزی که فاطمه رو حنا می بستن
من از پشت پنجره تماشا میکردم
فاطمه با مادرش دعوا می کرد
چرا ای مادر ما رو سوزوندی
مگر من اطلس دیبا نبودم؟
مگر من دختر بابا نبودم؟
مرا همسر یک پیرمرد کردن
مگر من لیاقت پسر جوون رو نداشتم؟
نذاشتن که من یار جوون داشته باشم
نذاشتن که من سر و سامون بگیرم
خدایا دلم پر از درد و رنجه
ببینید که روزگار با من چه کرده
مگر من آهوی صحرا نبودم
مگر من مثل صدف دریا نبودم
من رو همسر یک پیرمرد کردن
مگر من لیاقت یک پسر جوون رو نداشتم؟
کالسکه عروس را تزیین کردن
توی کالسکه فاطمه نشسته
ای کاروان صبر کن یک لحظه
تا یک بار عباس مسکین من رو ببینه
۱۴
تیر
اتا شو باخسم و خو بوینم
شه جان مار ره روبه رو بوینم
ونه لینگ بی درد و تو بوینم
ونه اسپه گیسه سیو بوینم
جان مار گل خوشه
ته بهار ونوشه
تنه منزل کجویه
می خسته دل گوشه
۰۶
تیر