دلبر امسال بهار من کو نشومه
بدون تو دلبر شو خو نشومه
صبر کمه پاییز با هم بوریم کو
من و تو بال به گردن هاکنیم خو
دلبر امسال بهار بدون تو به ییلاق نمیرم
دلبر من بدون تو نمی تونم بخوابم
صبر میکنم پاییز با هم بریم ییلاق
و دستم دور گردنت بخوابیم
انه خار روز بدیمه دیته وارون
انه شیر نر بدیمه زیر پالون
انه بی کفن بمردنه مالدارون
این کهنه دنیا وفا ندارنه یارون
اونقدر روزهای خوبی دیدم که بارون گرفته
اونقدر شیرهای نری دیدم روشون پالان گذاشتن
اونقدر ثروتمندایی دیدم که بی کفن مردن
ای یارها این دنیا وفا نداره
۱۶
فروردين
وچه زن بیته شه پر همسایو ئه.
پسر که ازدواج کرد میشه همسایه پدرش
۱۵
فروردين
ته بلاره که ته دست پینه داشته
ته دل دور که افتاب کیمه داشته
پیر کور /ی و عشق ته داشته
تینه غم دچی و عشق ته داشته
تیی که دیم داشتی گل ونوشه
گیسه داشتی گندم خوشه خوشه
ته نم نم وارش، بهار ماهی
بلند جنگل سرد میهایی
ته چرده ولگ واش اونمایی
بلند واش صحرای سمایی
۲۰
اسفند
لالا گمه ته ره خو بیره، مامان گره
تی دشمنون ره تو بیره، مامان گره
تی سیو چشم ره خو بیره، مامان گره
لالا گمه گل لاله، مامان گره
پسر دارنی اتا خاله، مامان گره
ته خاله جان دره دیر راه، مامان گره
تی خاله جان دارنه چشم راه، مامان گره
وه مه نفل مینا دونه، مامان گره
شمع و چراغ راهدونه ، مامان گره
برمه نکن نماشونه، مامان گره
تی دایی جان انه شونه، مامان گره
وی تی برمه ره اشنونه، مامان گره
لالا لا گل لاری، مامان گره
پسر دارنی دو تا دایی، مامان گره
ته دایی جان دره غریبی، مامان گره
الله ونه دل تنگی، مامان گره
لالا گمه ته ره خو بیره، مامان گره
دشت و صحرا ره او بیره، مامان گره
ته دشمنون ره تو بیره، مامان گره
ته سیو چشم ره خو بیره، مامان گره
لالا گمه گل لاله، مامان گره
پسر داینی اتا خاله، مامان گره
ته خاله جان دره دیر راه، مامان گره
ته خاله جان داینه چشم راه، مامان گره
https://soundcloud.com/zibamoafi/rrrv56j67cgs
۱۶
اسفند
رشتی علی جه ره بدوزم قوا
سیو وره می ره بزنم چوقا
بورم بازار هایرم گردی لم کلا
چوی تن دپیچم سون طالبا
دور دور هامجما هاکنم تاماشا
هاشم مه طالب ره موندنه یا نا
طالب مه طالبا طالب فرما چشم
زهره از عشق ته ببیه نا خوش
سروهمسرون مه ره نکنید سرکوفت
شما شیر دار من خشک هایته چو
شما ترنه مارا من خرامه گو
شما روز روشن و من تاریک شو
مه ره مه مار بکرده طالبای ور
مه ره هدانه ها صادقای ور
ماه آسمون مه ره طالبا ونه
اما هشتم مه ره صادق نونه
طالب مه طالبا طالب فرامز
هرکجه بمردی خدا بیامرز
۱۵
اسفند
امه محله دره سیا چشمون کیجا، کلثوم علی آبادی
همه شی کندننه غریبه جا، کلثوم علی آبادی
الهی ته مار ره یار بکوشه خدا، کلثوم علی آبادی
ته ره نیره مه جه بالای خدا، کلثوم علی آبادی
کلثوم علی آبادی
کلثوم علی آبادی
یتا رو من گمه یتا رو لله، خورده کیجا چتری
مه مار مره هدا غریبه محله، خورده کیجا چتری
غریبه محله ره وطن ندومبه، خورده کیجا چتری
غریبه کیجا ره مرهم ندومبه، خورده کیجا چتری
خورده کیجا چتری
یار سیو چشم مرمری
برو هنیش مه پلی
خورده کیجا چتری
بیمه خاموش مره بیاردی سروش، خورده کیجا چتری
به مثل اب گرم بیمه جوش ، خورده کیجا چتری
خدا تقصیر دارم وچه ره بنوش، خورده کیجا چتری
سال دوازده و باشه سیاه پوش، خورده کیجا چتری
خورده کیجا چتری
یار سیو چشم مرمری
برو هنیش مه پلی
خورده کیجا چتری
همسایه یار بیتی خدا ته همراه
امیر الممنین ته پشت و پناه
ته ره تقصیر نرمه ندارنی گناه
تقصیر ره دارنه ته بمرده ننا
آخ چه سخته چه سخته مه وسه بی ته دین
مست کیجا برو مه دل ره نشکن
کلاغ سرسیو خال خال گردن
یتا نامه دارمه بور مه وطن
اگه یار ره بدی مه خبر بیته
بو که زرد و زاره حالت مردن
آخ چه سخته چه سخته مه وسه بی ته دین
مست کیجا برو مه دل ره نشکن
۰۴
بهمن
بلندی بال خانه بلندی پرده کیجا ته لمپا ره نکوش
هنیشیم منو ته هر دِ و هر دِ کیجا ته لمپاره نکوش
اندِه هنیشیم تا افتاب دَگِرده کیجا ته لمپاره نکوش
تموم دشمنای دل بَترکه کیجا ته لمپاره نکوش
کیجا ته لمپاره نکوش جان خدا مره بکوش
آرزو دره مه دل چَتِری ره بیرم بغل
بلندی بال خانه چراغ روشنه کیجا ته لمپا ره نکوش
زاغِ مرزی کیجا کتابِ اشنه کیجا ته لمپا ره نکوش
هرچی صدا زمبه و مِره نشنه کیجا ته لمپا ره نکوش
ونه ناز و عشوه مره کاشنه کیجا ته لمپا ره نکوش
کیجا ته لمپاره نکوش جان خدا مره بکوش
آرزو دره مه دل چَتِری ره بیرم بغل
سر سوایی یار وا دکته وا کیجا ته لمپا ره نکوش
افتاب بورده هوا بهیه میا کیجا ته لمپا ره نکوش
دار سر کِلی بزوهه اویا کیجا ته لمپا ره نکوش
کجه دره منه یارِ چش سیاه کیجا ته لمپا ره نکوش
کیجا ته لمپاره نکوش جان خدا مره بکوش
آرزو دره مه دل چَتِری ره بیرم بغل
۱۳
دی