کیجا برمه نکن برمه حرومه
کلاه ره چرخ هادی دو سال تمومه
برای دختر عاشقی که به انتظار معشوق سربازش میشینه
آق ننه مسه نکن بی قراری
بالای زمین ره هاکنی یاری، آق ننه بهار وارش، خونش کرد و گالش
دشمنون همه رو دمبی فراری
اون زمون سر بونه چشم انتظاری، آق ننه دریا او دره، مه دل آرزو دره
از ساندکلاد(پِغوم (بر اساس آق ننه، امیری، لیلی‌جان، کِل‌حال و دریا اودَره) (خواننده: ابوالحسن خوشرو))
۱۲
آذر
من تا شیشم ره یاد بییرم وه شه سگ ره بورده شکار
۰۹
فروردين
امشو ته خیال مه همنشینه
ته ره دکرده رخت منه سرینه
برار ته عکس جا چش خو کمبه
ته دچی دچی رخت من بو کمبه
مه دل خانه ته سه نجما بخوندم
زاری زاری طالبا بخوندم
کتولی و امیری ره بنالم
همه ره خاطر بابا بخوندم
۱۰
دی
بگردم کو به کو خونش هاکنم
کیو ابر ره ته سفارش هاکنم
چلچلا که سفر بوردا ته بوردی
پلنگ از بیشه در بوردا ته بوردی
کجه بوردی چش سو ره بوردی
بهار مسه هدر بورده ته بوردی
شه مهربون بابای دور بگردم
ننه ونه صدای دور بگردم
بلند اسمون ته سایه بونه
چمند چشمه سر ته دم زنونه
ته خواهون ملک و میر مازرونه
ته قاصد بلبل شیرین زبونه
بنال ای بلبل خونین پر و بال
کنسه نالنی این دار و اون دار
نخون بلبل مه ره ویشار هاکردی
مه زخم دل ره ته دیار هاکردی
مه ره سر بشتیا تینار هاکردی
درد تنهایی ره مه کار هاکردی
۰۱
دی
ستاره ته چش سو ره نداشته
ونوشه ته بکا بو ره نداشته
نقره نشون هلال اول ماه
قشنگی ته ابرو ره نداشته
نا ترک ته نا ترک لله کمبه
نا ترک ته چش و ته برفه کمبه
همه داشتی نداشتی دنیا ره
فدای اون لب پرخنده کمبه
بعد ته لله ره پنجه نزمبه
بعد ته دشت و کوه کیمه نزمبه
بعد ته دستگیرمبه زندگانی
برسی گندم ره دره نزمبه
۲۷
آذر
دیار انه مه ره ته گپ و صحبت
دیار انه مه ره ته قد و قامت
ابر بیته هوا ماه ره نویمه
هرجا شومبه شه دلخواه ره نویمه
لله خونش
ماز نواجش
پیغوم برسیما راه دره مه چش
۲۷
آذر
لالا لالا گل چایی / وچه دارنی دو تا دایی
لالا لالا گل پنبه / بشنو چه چه زنه بلبل
لالا لالا گل انار / کلاج بیما تنه غار غار
لالا لالا گل چایی / وچه داینی دو تا دایی
لالا لالا گل مرجی / بابا انه دنه خرجی
لالا لالا گل نرگس / ته داغ نوینم هرگز
لالا لالا گل سمبل / بشنا چه چه زنه بلبل
لالا لالالا گل پنبه / خنه هاکن داینی عمه
لالا لالا گل خشخاش / برمه نکن داینی داداش
لالا لالا گل اوجی / برمه نکن داینی باجی
لالا لالا گل چایی / وچه داینی دو تا دایی
لالا لالا گل لاله / برمه نکن انه خاله
لالا لالا بید مجنون / خدای جا هستمه ممنون
۰۵
آذر
تو گل بشکفته من گل نیم وا یار/ بانو غریبمه
قدر من ره ندونستی بی وفا یار / بانو غریبمه
اون موقع یار مگه ته چش نیه وا جان / بانو غریبمه
اسا کوچه کوچه مسه بکش آها / بانو غریبمه
صواحی ره نماشون هاکنم یار / بانو غریبمه
سیو زلف ره پریشون هاکنم یار / بانو غریبمه
در این دنیا دارمه یک جان خالی یار / بانو غریبمه
اگه خوانی ته قربون هاکنم من / بانو غریبمه
۰۵
آذر