امیری بخونم نرم هاکنم گلی ره

امیری بخونم نرم هاکنم گلی ره

طالب طالبا نجما و کتولی ره

علی علی ای مولا علی جان

 

بورم تپه سر ونگ هاکنم علی ره

شاید بوینم امام آخری ره

علی علی ای مولا علی جان

 

اسب زین سوار دوش چپی ره یاد دار

چکمه دکردی لینگ تلی ره یاد دار

علی علی ای مولا علی جان

 

عاشقی نکرد حال امیر چدونه

نزیر جوون ناله پیر چدونه

منزل برسی راه شبگیر چدونه

اونی که سِره درد فقیر چدونه

علی علی ای مولا علی جان

 

مه خسته تن ره بی خویی نوِنه

عاشقی ره گل ابرویی نونه

اگه دنیای دور ادم بگرده

مه ره بی ته سوادکوهی نونه

 

ابر بیته هوا ره، شبنم بزو صحرا ره

ابر بیته هوا ره، ندیمه شه دلخوا ره

من شه پیر ننای دور بگردم

من شه پیر ننای دور بگردم، مه دل چه بی قراره

 

کمر بیه دلای دور بگردم، مه دل چه بی قراره

شه اون صبح روجای دور بگردم، مه دل چه بی قراره

ونه سرخ عصای دور بگردم، مه دل چه بی قراره

مه دل چه بی قراره، به عشق جان ماره

ونه چشم انتظاره

تلار او بمو پل ره بورده

تلار او بمو پل ره بورده

منو مه دلبر دل ره بورده

فلک اخر مره غریب هاکرده

از دیدن ته بی نصیب هاکرده

لفور صحرای دور

اشون باختبیما من بدیمه خو، لفور صحرای دور

امه دشت و لته روخنه او، لفور صحرای دور

ویشار بیمه بدیمه هسه درو،لفور صحرای دور

امه لت و لتکا بیه زیر او،لفور صحرای دور

لفور صحرای دور، ممرض و توسکای دور

کوکی چه چه زنه افرای بالا،گنه چتی بیه محله صفا

صنم

صنم

آهوی سر کوی تو بودم روزی

آی بی درد هنوز احوال مارا نمیپرسی چند روزی

ای صنم جان

آی صنم

هرچند تو را یار نو بسیار است

بی درد من یار قدیمی تو بودم یک روزی

سِوادکوه ته نشون رِه کی بورده

سِوادکوه ته نشون رِه کی بورده

ته پوست تا گوشتِ خون رِه کی بخرده

چتی چش رِه کوریک بیرم بتومه

زبون پچلیک بیرم بتومه

امید خدا رِه راستی شه دل نکمبی

امید خدا رِه راستی شه دل نکمبی

اسلام چه خوبه ما چه عمل نکمبی

مشکل دکته علی علی ونگ کمبی

مشکل حل بیه هرکار خوامی شه کمبی

صحرا رِه چه خِشه طاووس رَمش

صحرا رِه چه خِشه طاووس رَمش

سِره رِه چه خشه عاروسِ مِجش

نشا رِه چه خشه نرم نرمِ وارش

بیشه ره شوکاکه بکشی سِرمه چِش

دِماونده کوه، یک کوه لار نوونه

دِماونده کوه، یک کوه لار نوونه

 

سه ماه زمستون، یک روز بهار نوونه

صد تا پهلوون، اَتا برار نوونه

هزار کدبانو مه جان مار نوونه