سرم درد هاکردا تا خط گردن، آی ربابه جان ته بلاره
اجل برسیا ونه بمردن، آی ربابه جان ته بلاره
اجل ما رو نکش ما نوجوونیم، آی ربابه جان ته بلاره
گل نشکفته مازندرانیم، آی ربابه جان ته بلاره
انار گل رنگ ته کجه بوردی؟
رفیق روز تنگ ته کجه بوردی؟
آق ننه دریا او دره، مه دل آرزو دره
مه دل ته وسه تنگ ته کجه بوردی؟
ته دل مثال سنگ ته کجه بوردی؟
آق ننه دریا او دره، مه دل آرزو دره
۰۴
خرداد
آق ننه ته مره کلاغ هاکردی
نوده محله ره یلاق هاکردی
آق ننه دریا او دره، مه دل آرزو دره
مگر جای دیگر سراغ هاکردی
مه دل مثل راغون داغ هاکردی
آق ننه دریا او دره، مه دل آرزو دره
دل من کوره آهنگریه
مه سینه پایمال آهنگریه
آق ننه دریا او دره، مه دل آرزو دره
عجب سر بکشیمه ته کام تلخه
نصیبم رنج و درد دیگریه
آق ننه دریا او دره، مه دل آرزو دره
۰۴
خرداد
نماشونه ورا غم بیته دل جان
لله وا بزنم مه دل بوه وا
لله وا ته مه غم وا نوونه وا
ته خالی کملِ من زمه لیفا
خدا دریا او دره، بلبلِ چش خو دره
سه پنج روز پونزده بیه تو نموئی
تیرماه سیزده بیه تو نموئی
مه ره قول هدائی اول خرمن
خرمن کوبی ته بیه یار ته نموئی
هوار هوار چه روزگاری دارمه
هوار هوار قول و قراری دارمه
ای دل و ای دل ای دل، ای دل و ای دل
۰۴
خرداد
بهار چلچلا بیمه پیدا نی
ته پیش کیجا وچه بیمه پیدا نی
دل ره دست بیرم دکفم صحرا
اسیر لله وا بیمه تو پیدا نی
هوار هوار چه روزگاری دارمه
هوار هوار قول و قراری دارمه
ای دل و ای دل ای دل، ای دل و ای دل
۰۴
خرداد
افتاب گل رنگ ته بوردی کجه، شهربانو طلا
رفق روز جنگ ته بوردی کجه، شهربانو طلا
شهربانو طلا، زرگری کیجا
خوشمه لمپا ره کیجا، خسمبه ته لا
۰۴
خرداد
بابلِ مَله ره هدار هاکنم، کیجا بابلی
زنمار خنه ره هدار هاکنم، کیجا بابلی
زنمار کیجا مه یار نوونه، کیجا بابلی
ته بال دماسم فدار هاکنم، کیجا بابلی
دندون طلایی، کیجا بابلی
برو بوریم ساری، کیجا بابلی
تو بی وفایی، کیجا بابلی
۰۳
خرداد
امیری بخونم نرم هاکنم گلی ره
طالب طالبا نجما و کتولی ره
علی علی ای مولا علی جان
بورم تپه سر ونگ هاکنم علی ره
شاید بوینم امام آخری ره
علی علی ای مولا علی جان
اسب زین سوار دوش چپی ره یاد دار
چکمه دکردی لینگ تلی ره یاد دار
علی علی ای مولا علی جان
عاشقی نکرد حال امیر چدونه
نزیر جوون ناله پیر چدونه
منزل برسی راه شبگیر چدونه
اونی که سِره درد فقیر چدونه
علی علی ای مولا علی جان
مه خسته تن ره بی خویی نوِنه
عاشقی ره گل ابرویی نونه
اگه دنیای دور ادم بگرده
مه ره بی ته سوادکوهی نونه
ابر بیته هوا ره، شبنم بزو صحرا ره
ابر بیته هوا ره، ندیمه شه دلخوا ره