بهار بمو بهار تتی درنه
پیغوم هادین که سال چی درنه
ونوشه نوج بزو ویشار بییه
ککی مال لم تن سوار بئیه
بهاره آی بهاره آی بهاره
ونوشه مشتلق چی بهاره
حلی دار اسپه پیرن تن دکرده
عمو نوروز همه ره ونگ هاکرده
پرس خوب و هنیشتن دیگه بسه
هلو دار تتی صورتی دوسه
بهاره آی بهاره آی بهاره
ونوشه مشتلق چی بهاره
بلبل خونه بهاره نو ره دارمی
لتکاسر ونوشه بو ره دارمی
تپه سر اوجی و زنگنه بوئه
کیله سر بور بوین نعنای بوئه
بهاره آی بهاره آی بهاره
ونوشه مشتلق چی بهاره
هفتا سین رج وونه سفره میون
سره سر انه اتا خله مهون
خوش بمونی شمه بهار مبارک
سلامتی دارین خار خار مبارک
بهاره آی بهاره آی بهاره
سر بزن اون مریضی که نخاره
وچون ره چه شادی کنه
کلک سر جمع بئینه بازی کنه
علف ذوق کنه گل ور بئیته
پاپلی اینجه اونجه پر بئیته
بهاره آی بهاره آی بهاره
ونوشه مشتلق چی بهاره
الهی هیچ دلی ناخش نباشه
خر و خشی همه وسه دواشه
بهار 98 ره دارمی
خشالمی غم و غرصه ندارمی
زاهدی راه دکف ته راه زیاده
چش به راه محلنه ته خانواده
بهاره آی بهاره آی بهاره
ونوشه مشتلق چی بهاره
