زنگ صدا کنه شونه چاربیدار

چاربیدار کیه غریب برار

لله بزن تا دل بیره قرار

جمع بییه غم مه دل کنار

 

هی نماز سر و تنگ منه دل

غروب سر بویه نخونه بلبل

درویش وار شومه منزل به منزل

انه چرخ گیرمه تا بن گیرم شه دل

 

بوردمه دار سر حلی بچینم

مه دست ره مار بزو ترسمه بمیرم

بورم یار خنه ملحم هاییرم

اگه ملحم ندا ته پشت بمیرم

 

بنه سبز سو ابی اسمونه

تموم دشت و صحرا لاله گونه

مه دل تنگ و مه دلبر بی نشونه

نرگس گل به دشت مازرونه