بلبل نخون مره بیدار هاکردی
مه ره فکذ و خیال یار هاکردی
تن خار داشتمه ناخار هاکردی
مه صد سال عمره ته یک سال هاکردی
مسلمانون مه دل هوایی شونه
مه دلبر شو انه صواحی شونه
سفارش هاکردم با گریه زاری
ته قربون بواشم تا گت بواشی
۱۴
دی
امروز چند روزه من بی نازنینم
نه در آسمون و نه در زمینم
سپید چادر زنم صحرا نشینم
شب و روز انتظار نازنینم
یار بی وفائه
یار پر جفائه
دل مجنون به داغش مبتلائه
های لاره لاره
جان لاره لاره
ته سه بلبل خونده که نوبهاره
۱۴
دی
کجه بوردی ته بوردن دیر نوونه
دو تا چش ته ره وینه سر نوونه
دو تا چش وسه یار چهار بگرده
دو تا پیش و دو تا دنبال بگرده
۱۵
آذر
مسلمانون مسلمانی ره هاشین
نکرده کار و بدنامی ره هاشین
نکرده کار مه ره بزونه تهمت
وشون ره بکوشه حضرت محمد
۱۳
آبان
چچی بئتوی مه ره حالی نکردی
دل درد مه ره خالی نکردی
دل درد منا یوسف زلیخا
در بئیه کلی وا نوونه وا
۱۳
آبان
بنال بلبل بنال تا من بنالم
ته بهر گل بنال من بهر یارم
ته بهر گل بنال شش ماه و شش روز
من بهر یار بنالم هر شب و روز
۲۳
مهر
اگه تو بلبلی من چلچلامه
اگه تو عاشقی من مبتلامه
یادگاری خواسی ته ره هادامه
تا روز قیامت ته پا اسامه
۱۴
مهر
تاتا ، تاتا کردی راه وردی مره
دست ِ ماسی شه همراه وردی
مره مره گتی شه کوتر بلاره
د دستی دشت و صحرا وردی مره
۰۴
شهریور
مه یار قهر بکرده نخرنه غذا
دستمال دست هایرم هاکنم عذا
همه یار بیتنه شه دل رضا
من بورم یار بیرم با جنگ و دعوا
۳۰
مرداد