کجه بوردی ته بوردن دیر نوونه
دو تا چش ته ره وینه سر نوونه
دو تا چش وسه یار چهار بگرده
دو تا پیش و دو تا دنبال بگرده
مسلمانون مسلمانی ره هاشین
نکرده کار و بدنامی ره هاشین
نکرده کار مه ره بزونه تهمت
وشون ره بکوشه حضرت محمد
۱۳
آبان
چچی بئتوی مه ره حالی نکردی
دل درد مه ره خالی نکردی
دل درد منا یوسف زلیخا
در بئیه کلی وا نوونه وا
۱۳
آبان
امه بینج بنشا بیا نموئی
امه غصه کوفا بیا نموئی
امه دل انده تسه خو نداشته
ولیک دار روشا بیا نموئی
تا که تسه نماشونه هارشم
امه کله بچا بیا نموئی
خامه ساز و سما ره سر بئیرم
امه دتر ننا بیا نموئی
دیگه کجه ته خو ره من بوینم
تلمه مار دوشا بیا نموئی
همند سوز قوا بیا نموئی
ونوشه چشم به راه بیا نموئی
بمونستی کدیم منزل ندومبه
عاروس منگو دوشا بیا نموئی
سوته دشت ره سما کمبه گل من
زمون ره جا به جا کمبه گل من
تتی ره خونما کمبه گل من
خدا ره رونما کمبه گل من
ته هستی مثل خرو
ته هستی مثل نرو
ته چشم همند زرجو
بنال بلبل بنال تا من بنالم
ته بهر گل بنال من بهر یارم
ته بهر گل بنال شش ماه و شش روز
من بهر یار بنالم هر شب و روز
۲۳
مهر
اگه تو بلبلی من چلچلامه
اگه تو عاشقی من مبتلامه
یادگاری خواسی ته ره هادامه
تا روز قیامت ته پا اسامه
۱۴
مهر
بهار بهیمو شونی شالیزار، معصومه بالا ملی
ته جلو دیی ته مار ته دنبال، معصومه بالا ملی
من دومه غریبی دل داری ناخار، معصومه بالا ملی
الهی بمیره کیجا تنه مار، معصومه بالا ملی
معصومه بالا ملی
برو دندون طلایی
مره زندون هدائی
۱۴
مهر
تاتا ، تاتا کردی راه وردی مره
دست ِ ماسی شه همراه وردی
مره مره گتی شه کوتر بلاره
د دستی دشت و صحرا وردی مره
۰۴
شهریور